【本報訊】「強人是妳，能頂天立地，如敗倒，再掙起，永沒言死，才是活着的真理」。今日是三八婦女節，在標示婦女與男性並肩立足、共同奮鬥的日子裏，她們一個放下自由自在的攝影師職業，為的是繼承父業；一個從內地來港後從未享過福，卻又從不怨天尤人。她們只是萬千香港婦女的其中兩個例子。 記者：蔡元貴
林月（Julia）本來是廣告攝影師，收入不俗，工作也自由，為了繼承父業，毅然放下心愛的職業，走入陌生的飲食業。她是南亞餐廳的太子女，南亞有35年歷史，由海南人林大祿創辦。林大祿於1982年去世，南亞由其他股東繼續營運至2004年，在沙士疫潮翌年結業。
收舖約夥計唱K喝啤酒
「一路我都冇理過間餐廳，直至04年結業，我突然好想keep番南亞，於是同哥哥、幾個舊股東商量，喺05年重新營業。」Julia四出問銀行借錢，找新股東融資，終於在05年讓祖業重生。
太子女沒有學過廚藝，Julia重開南亞初期，曾被年長的師傅與夥計質疑：「我同佢哋講，塊牛扒要咁擺，棵菜要點放，連一滴汁濺上碟邊都要抹走。夥計話，舊時唔係咁㗎喎，佢哋俾我激死，覺得我好麻煩。」Julia明白與夥計磨合的重要，於是收舖後就約夥計消夜喝啤酒直落唱K，培養感情。
捱了18個月，新店才走上軌道。08年，Julia再於荃灣開分店，開張不久即遇上世紀金融海嘯：「我出來做嘢咁耐，從未試過咁艱難。」目前銅鑼灣總店與荃灣分店都要虧蝕，荃灣店更是蝕到入肉，Julia甚至要動用私己，但她從未想過加入食肆結業大軍：「我唔想間餐廳幾十年就咁冇咗，我要南亞永遠都承傳落去。」
股東都勸她結束荃灣分店，她說：「我冇理佢哋，南亞係爸爸心血，我一定要留住屬於爸爸嘅嘢。而且我好鍾意餐廳嘅環境，細個時爸爸一日到黑要睇住餐廳，冇乜時間留喺屋企。我同爸爸媽媽一齊嘅時間，多數都喺餐廳。」她說：「爸爸同我講過，就算日子唔好，都唔會永遠唔好，最緊要自己做好本份，時勢唔好就更加要做好啲，唔好理出面點，你自己做得好，啲客嚟唔嚟都冇辦法。𠵱家啲客未嚟，可能運氣未到。」
「啲客未嚟，運氣未到」
香港飲食業男性主導，Julia說：「我都知道呢行有啲睇唔起女性嘅問題，好似有啲餐廳，個女經理講嘢，做㕑嘅男人唔會聽。」
Julia早已成家立室，為了保住南亞，她承認犧牲了家庭：「我唔係好多時間陪到個仔，我先生有時都會complain。」記者問她，怎樣平衡事業與家庭，她說：「我冇諗過點樣平衡事業同家庭，因為我唔覺得南亞係我嘅事業；南亞係我嘅理想，理想冇咗，個人就會冇晒力。」
你想知 想講 想問？
婦女頂着半邊天，今天婦女節你有何感言？
請即上《蘋果》網頁 http://appledaily.atnext.com留言喇！
或電郵至：mailto:[email protected]
傳真：37112411
手機短訊：63836568