【本報訊】「你個女有冇嚟探你呀？佢有冇喊呀？」前日冒死闖入火海勇救女兒，因而一度命危的「肥佬」威叔，昨日情況經已好轉，已由深切治療部轉往普通病房留醫，他被問到與他同時留醫的女兒時，只是「騎騎騎」的笑而不語，面露一副滿足的慈父笑容。及後，威叔到女兒病房探女，兩父女互相撫臉問候，場面十分溫馨，但22歲的女兒珮珊卻對記者顯得很害羞，不肯說話。
醫生稱讚夠勇敢
綽號「肥佬」家住沙田廣源邨的威叔（52歲），目前仍在沙田威爾斯醫院留醫，他的火海救女事迹現已街知巷聞，除了不少街坊到來探病外，昨日他在醫院走廊與記者傾談期間，突然有一名不是負責治療他的醫生走近問：「你係咪陳仁威呀？」威叔應是後，該醫生即主動和他握手，並稱讚說：「你好勇敢，做得好好！」威叔一時不知如何回應，便道：「醫生，我幾時出得院呀？」惹來一陣笑聲。
威叔其後對記者說，當他在樓下見到女兒被困火場在窗門呼救後，狂跑了11層樓回家救女，當他和女兒準備逃生時，慌亂間只是猛拉門鎖，結果弄了分多鐘都無法開門，當時以為「今次同個女都死梗啦！」此時突然想起原來「個門鎖係要扭嘅」，父女終於成功開門逃出，他又說：「當時消防員仲未到，等佢哋嚟救實燒死啦！」
「最緊要人冇事」
他說：「個女讀書唔叻，但佢好乖，做童軍、學鋼琴，又跟阿媽去教會，喺花店做嘢，出糧一半薪水畀晒阿媽㗎！」他表示，當日女兒請假在家準備和母親回鄉飲宴，豈料卻遇上火警。問及火警疑是其子接駁電腦的電線短路引起，會不會怪責兒子，威叔繼續一貫慈父語氣：「最緊要人冇事啫！」當泥水工作的威叔更三句不離本行：「好彩兩個月前裝修時用磚砌牆，大火先至冇燒出廳，否則更加不堪設想。」
