今日係3.8婦女節，灣仔聖雅各福群會噚日同今日舉行GreenLady舊衣義賣會，有三個名女人捐出舊衫做善事。阿姐汪明荃捐咗三件，其中一件迷人pinklady小背心戰衣，係名牌Versarce嚟㗎，其餘兩件係晚裝，三件衫標價都過千蚊，全場最貴。
公民黨陳淑莊捐出一件旗袍，矜貴在佢曾着住同梅姐合照，珍藏多年，為咗做善事先捨得割愛；該黨黨魁余若薇就貢獻一條名牌長褲，兩個議員捐出嘅舊衫都係標價288蚊，陳淑莊件旗袍一出場就俾人買起。呢個義賣頗多筍貨，一件全人手鑲珠仔裙288蚊，鞋一律38蚊，部份係全新嘅，好多舊衫8蚊起，詳情可以致電69778183、67700369查詢。