蘋果波神至愛嘅英國波差唔多鬥到入直路，但「賣飛佛」聯賽日聯就啱啱開波。上季亞軍川崎前鋒教練關塚隆話要攞兩個錦標，揭幕日主場對柏雷素爾，扒冷博佢哋大炒5:2。
前鋒喺對上3季日聯，有兩季係入波最多，攻力強。今季走咗我那霸和樹，但佢自從禁藥事件後一沉不起，冇乜影響。攻擊主力好似係鄭大世、祖尼奴同谷口博之等仲喺度；佢哋舊年4次對柏雷素爾3次大炒，包括喺9月作客狂數5:2，呢場有權再炒，就博5:2波膽。
廣島三箭作客橫濱水手，水手陣中雖然有日本第一後衞中澤佑二，但其他人腳質素平平。三箭有超級射手佐藤壽人，加上班𡃁仔好似係槙野智章、高萩洋次郎同柏木陽介等亦好掂，要開[客/客]亦唔係冇可能。至於名古屋鯨魚對大分三神，三神嘅穩守突擊戰術相當之掂，前線嘅烏士利雖然老，但勝在射術好經驗豐富，博半場贏，有17倍嘅[客/和]。
敲曼聯吞雙蛋有22倍
周中推介曼聯喺英超小勝紐卡素，結果中咗[-1]「和局」，但今次撐戰鬥員A要富咸贏波。富咸主場對辦，而且點計曼聯下周中場歐聯點都比呢場英足盃8強重要。紅魔今季4次輸波，3次輸1:2，1次輸0:1，破數據要富咸贏2:0，有成22倍㗎。
文：青蛙仔