英國波打到人都癲，冷門頻開。刀仔鋸大樹，賭波唔使瘋癲，今晚森林和史雲斯，同高雲地利在英足盃頂得住車仔，甚至爆冷贏埋，係今周選擇。
去美X快餐店食個餐加個drink也要四、五十蚊，賭波減注博冷也是合理策略，計早前有個藝人過大海無厘頭輸咗幾十萬後，香港自認最叻嗰位名人被揭發俾人呃咗幾千萬；連咁叻嘅人，都有咁愚蠢嘅行為，受裁員減薪之苦嘅升斗市民也無謂同嗰大莊家搏命好咯。學已故評馬人董驃話齋，馬場中邊個叻仔死嗰個，既然無人敢話能操控賽果，小注怡情冇壓力。
串旺膽海倫芬贏3:1
想睇波又想博冷，小弟有好介紹，就係上一圈英足盃推介過中波膽嘅英冠殺手－－高雲地利。上一圈淘汰布力般，今迎級數更強對手車路士，其實計賠率及高軍主場賽績更值博。車仔雖勁，但信軒帥對英足盃感覺冇乜，反而下周中作客祖記才是今季成敗嘅戲肉所在，半力車仔如能和波再返主場打重賽，亦唔係壞事。我更會小注博高軍7倍W，但「主勝」就穩陣啲，波膽吼2:1、2:2，串極旺3:1波膽嘅海倫芬贏格羅寧根。
重心「主客和」，博森林主場和史雲斯，前者長期護級，但有安梳爾復出已取得連勝；後者屬今季表現可人嘅西班牙兵團，而且係和波專家，旗鼓相當，博和。
文：蘋果波神