日本人最叻包裝，就連全國高校足球錦標賽亦搞到好靚仔，搵埋一大班人氣偶像好似係堀北真希、新垣結衣、北乃紀伊同逢澤莉娜造勢，出任應援經理幫手宣傳。至於佢哋個J-League就更加唔使講，季前例牌有個誓師大會，18支球隊嘅代表會着住所屬球會嘅球衣同傳媒見面，星光熠熠之餘仲氣勢十足，衰啲講句，真係唔打得都睇得。
新一季J-League今日開波，我本身係紅鑽擁躉，今屆佢哋繼續由德國人執教，但講真芬基喺德國球壇唔算乜嘢名帥，加上又新上任，點都要啲時間去摸索吓班球員，所以紅鑽係龍定蟲暫時未知，惟有出賣佢哋，捧喺日超盃3:0大數大阪飛腳嘅鹿島鹿角。
主客和：鹿島鹿角勝
心得：鹿角喺日超盃對辦
近5場往績：LLWWW
青蛙仔
睇德國波同埋英國波大，大個之後攻埋日本波，兼且對日本藝能界幾有研究。