同筆者都係20尾30頭嘅朋友，讀書時期總受日漫薰陶，《城市獵人》、《男兒當入樽》等經典外，《龍珠》亦大受歡迎，記得當年仲興閃卡，有同學為咗抽卡，竟然幾乎用晒早餐同午餐錢，搞到餐餐食包。《龍珠》拍成西片，好似下星期上映，原本對《龍珠》有情意結，又有發哥做龜仙人，但睇完預告片，實在接受唔到外國人做悟空同莊子，都係睇咗影評先決定入唔入場。
講完日漫又講日本波，上星期貼中鹿角，不過周六日聯開鑼戰唔再追，始終紅鑽爛船都有三斤釘，反而對另一支主攻嘅前鋒有好感，鄭大世、祖尼奴等炮手仍在陣，柏雷素爾只攻不守，正合前鋒發揮。
主客和：川崎前鋒勝
心得：前鋒攻力信得過
近5場往績：WLWLL
牽牛
列貝利、拿斯尼、哥古夫……個個都叫「新施丹」，不過施丹喺我心目中只得一個！