日聯今周開鑼，以前亦曾到過日本投注足球，當地的玩法以估勝和負為主，估中晒所開出之場次將會得到大獎。雖然玩法唔夠足智彩咁多，但當地亦有唔少人投注，而且投注額仲屢破紀錄，證明咗足球喺日本當地嘅受歡迎程度，已經直逼傳統嘅棒球。其實，有唔少網站都會有投票，估吓各場比賽嘅勝負，等投注人士有個指標，今周重頭大戰鹿角對紅鑽嘅投票情況係點？結果鹿角得票率超過5成，而最懸殊嘅投票場次係山葉可以輕鬆擊敗升班馬山神。
至於筆者就推介川崎前鋒可贏柏雷素爾，佢哋喺日本球迷心目中贏波嘅得票率都算高，希望順利開W。
主客和：川崎前鋒勝
心得：前鋒攻力有保證
近5場往績：WWLLL
戰鬥員A
同足球有關嘅周邊物品都鍾愛，賭波就專攻日職聯。