跌咗咁多日，花旗股市前晚終於反彈，幾個主要指數都有超過2巴仙進賬，道指報收6875，睇技術走勢，暫時冇大升機會，不過就有機會試吓7000關。
溫總噚日講未來刺激經濟嘅大計，講完之後A股借勢回吐，港股照例跟住走，恒指跌119點，不過隻滙控（005）表現就唔錯，報收44.80元，升咗1.3巴仙。
港交所P輪15658：港交所（388）噚日報收56.85元，跌4.6巴仙，上個月中介紹過隻P輪15658，睇正股跌落54元，前兩日正股跌落53.40元就反彈，不過升咗1日就冇力，睇個勢會下試50元，破位有機會向40元滑落，可以翻兜隻15658，現價17.9仙，有效槓桿1.9倍。
正股跌落40元，15658有機會見30.3仙，正股升破64元，就沽咗隻輪止蝕。
俊樺