導演許鞍華雖擁有平凡的外表，但思想卻前衞得很，她昨日在中環出席舞台劇《金鎖記》的記者會時，坦承年輕時曾吸食大麻，更不諱言大麻可以食，但要懂得節制，最重要是不要被抓到。
許鞍華的電影作品善於表達角色人物的內心世界，早前執導的《天水圍的日與夜》反映低下階層一面，作品贏盡掌聲，更贏得香港電影評論學會大獎最佳電影、導演及女演員三個獎。
昨日許鞍華到中環出席舞台劇記者會，被問到會否拍攝以青少年濫藥為題材的電影時說：「有機會嘅話我會拍。」
錯誤可以原諒
對於關楚耀和衞詩遊日本時因涉嫌藏有大麻被拘留一事，許鞍華說：「我知，希望大家唔好寫到咁衰，令到佢兩個冇得做。知錯可以改，我唔敢教人點做，但知錯能改，唔希望咁樣冇咗份工同前途，佢哋仲後生，又唔係犯咗唔可以原諒嘅錯。」問到許鞍華圈中人濫藥情況是否嚴重？她說：「我冇接觸，冇乜點去蒲，蒲點或者會有囉。」
「食得好有節制」
對有人以減壓作為吸食大麻的藉口，現年61歲的許鞍華語出驚人說：「可以食（大麻），但要有節制去食，最緊要唔好俾人拉到。我後生時都有試過食，𠵱家就冇食囉，嗰時人人都食大麻，但都好有節制，我食唔會暈，好似飲咗酒咁。𠵱家就冇興趣，有咁多工作要做，已經搞到我頭冒金星，暈陀陀啦。」
採訪、攝影：魯萍
娛樂資料庫：霆鋒貪過癮食大麻
導演許鞍華昨日自揭年輕時曾吸食大麻，其實不少藝人也曾公開承認食過，但大家切勿效法。
謝霆鋒 02年宣傳電影《戀愛行星》時，承認曾在荷蘭為見識而食過一次大麻，但強調此後就再未食過。
吳國敬 04年接受訪問時，自爆在中學時期受band友的引誘而吸食大麻，事後大感後悔。
李依琳 前年承認在朋友的提議下於美國曾吸食過大麻一次，更坦言吸大麻的感覺好relax，但不覺得食大麻好玩。
江欣燕 06年接受有線節目訪問時自爆於荷蘭旅行時食過大麻，但因吸了大半支後大感天旋地轉，更令虎紋盡現。
戴妮廷 前年透露曾於18、20及24歲時分別在法國、美國和荷蘭吸食大麻，但因一次食大麻兼溝酒出事，更吃光雪櫃的食物。
資料來源：《蘋果》資料室
小八卦：DJ阿喱變Amusic高層
Amusic昨日就衞詩在日本涉嫌藏毒被捕一事舉行記者會，當中由衞詩的唱片公司發言人張家豐，以公司總經理身份交代事件。現年26歲的張家豐，大學畢業後加入商台，以藝名「阿喱」主持節目《空中喱民》、《有耳喱民》及去年與吳君如合作主持《嘩！嘩！嘩！打到嚟！》等節目，據知吳君如不滿阿喱在節目中的表現，故於去年11月更換主持，改由王貽興及阮子健頂上。其後阿喱有感意興闌珊，故決定離開商台，轉投Amusic。
