大笨象「大迫供」，股民十五十六，最決斷的反供派，要數人大代表王敏剛，記者引述王人大說，滙控前景不明，不肯接受政府援手，卻向股東伸手，做法「令人不解」！
由此推斷，反供派斷供的原因比招供派更充份：a、冇理由唔問阿爺攤大手。b、大笨象背靠的不是祖國，前途輸蝕。c、留番資金等中銀集資，供中資股有愛國分加，大笨象得個屁。d、沒理由跟大笨象談戀愛，同性戀都受歧視，更何況人獸交！e、滙控毒資產未清除就集資，當人係牛頭角順嫂。牛下都拆啦笨！f、滙控幾個大班冇引咎辭職，學足特區官員，前景堪憂。g、滙控唔代表香港，做人別太大笨象，你太out了，今日的香港地標是西九！h、唉，四叔又落搭，會不會又係山埃貼士？i、四叔一擲廿幾億做包銷，我一擲廿幾萬冇緊大半棺材本，點博得過？j、連冰島都會散，要我們散戶怎樣相信一間銀行勁過一個國家？k、不接受供股，除非大笨象肯change，改選他們的大班，搵黑人做！l、今次救了大笨象，下次咪又係做人肉長城淪為大行大戶的午餐！m、我家連寵物貓狗都冇，咁點解要長期養一頭大笨象？n、我驚大笨象唔會跳舞只識插水，我就要跳樓！