澳門瘋狂封殺香港人，神經質入境政策令人反感，八方早前建議全香港市民，一人一信去信澳門當局，要求澄清是否在黑名單上，否則臨門一腳先被拒入境，蝕咗船飛錢唔知問邊個追討。𠵱家果然有市民響應，近日喺網上號召大家去信澳門出入境事務廳，「申請」入境權。
網民對此行動反應頗為熱烈，實際有幾多人付諸實行係未知數，亦有網友提議向澳門特首辦或有關部門發出電郵投訴，向不合理入境措施還以顏色。呢啲行動發洩性質居多，有冇其他途徑討回公道呢？八方聽聞泛民曾研究透過司法覆核挑戰澳門政府嘅可能性，然而搵勻全澳門，都冇律師願意拔刀相助，令佢哋一籌莫展。