周中推介嘅大題全軍盡墨，總算中條2串1過關攞番多少本金，只怪拜仁唔掂就中，掂親就多數中招。忘記過去，展望將來，周五〈早飛倉〉突然想踩藍鑽石嘅意甲地盤，揀咗周日費倫天拿主場贏夠巴勒莫兩球，開2.65倍「主勝」。
意甲非畢傑主打地盤，費倫同巴勒莫兩間球會，只令我諗起偉大射手東尼都先後效力過。賭波最緊要留意軍情，費倫呢場波可以排出最強陣，3箭頭梅度、基拿甸奴同施美奧利都能夠上陣，後面又有蒙杜利禾、菲臘比美路及甘巴連尼等撐住，係近期一個好少見嘅「夫添」陣容。至於射手邦拿索尼傷癒冇耐，上場對里賈納終於開齋，果真連後備席都夠晒勁！
基拿甸奴配梅度入球多
唔好唔記得，基拿甸奴同梅度今季已合共轟入27個聯賽入球，係全意甲暫時最勁攻力嘅前鋒組合；至於基拿甸奴喺主場出戰例牌特別醒神，10個主場入球更多過伊巴謙莫域、迪華奧及迪亞高米列圖等射手榜前鋒，呢場唔使擔心「紫百合」嘅入球能力。
巴勒莫已非數年前嘅巴勒莫，班底直頭差咗一大截，上場主場更0:4大敗予下游隊卡坦尼亞。巴勒莫今場有中場主力比斯安奴及米利亞斯奧停賽，而由祖雲達斯簽入嘅洛斯連奴有幾多斤両，我呢位祖記頭號「粉絲」最為清楚。
費倫已經喺歐協盃出咗局，加上已被AC米蘭爬頭上第3，要保住呢個前4位置，贏巴勒莫夠晒數啦。唔好唔記得，首循環費倫作客都贏過巴勒莫3:1，當時就係由梅度梅開二度及基拿甸奴建功。
配腳玩日聯，要大阪飛腳作客擊敗千葉市原響頭炮，開讓平/半的上盤。飛腳下周雖要應付亞冠盃，但加地亮及盧卡斯施維連奴等人已傷癒，上場日超盃輸得咁應，博佢哋威番鋪。文：畢傑
早飛王貼士
星期日30 費倫天拿vs巴勒莫
首選：費倫天拿勝[-1]（2.65）
次選：費倫天拿大（1.95）
冷選：費倫天拿勝3:1（12）
早飛倉
主菜：星期日30費倫天拿勝[-1]（2.65）@1,500
渾水摸魚過關：星期六6大阪飛腳（上）（1.88）x星期日30費倫天拿大（1.95）2x1@500
今日早餐價錢：$2,000
上日賺蝕：-$733早飛倉結餘：$79,421
周末焦點
星期六10 鹿島鹿角vs浦和紅鑽
新一季日聯將於周六展開，直播大戰更有聯賽兩連冠的鹿島鹿角出戰，迎擊另一支勁旅浦和紅鑽。鹿角剛於日超盃3:0重創大阪飛腳，且看紅鑽能否招架。
星期六47 富咸vs曼聯
英足盃8強賽，亦是曼聯實現「5冠王」的第3個挑戰。富咸剛於聯賽完場前失手，主場0:1敗予侯城，但他們今季主場合共取得10勝3和2負，不敗率達87%，有歐聯後顧的曼聯要晉級非易事。
星期六57 皇家馬德里vs馬德里體育會
傳統馬德里市打吡大戰，未知兩軍同有歐聯後顧下，戰情會否同樣精采。聯賽10連勝的皇馬僅距離榜首巴塞4分，料不會留力；而剛擊敗巴塞的馬體會，亦有阿古路及科蘭大勇，入球騷可期。