雖然《街霸Ⅳ》個勢持續厲害，不過Capcom唔俾機迷有機會休息，另一隻大作《BioHazard5》（始終唔太接受ResidentEvil呢個名）早了一日見街報到。
貨量多無得炒
由於貨量都幾多，見灣仔區、旺角區都未有大炒情況出現，普通版在$398左右，而特別版則$458左右。反而在網上大小Game迷討論區上得知，元朗上水等偏遠地區，反而有賣貴$20至$50不等的情況出現，但看來粉絲都係死死哋氣畀錢，出旺角來回車錢都慳番啦！
二人行網上熱
講番隻Game，恐怖程度不及昔日係事實，好多長期躉仲話佢似隻槍Game，多過恐怖Game。
今集新加入了「二人同行」合作模式，玩落幾過癮，網上已經大把人Call朋友合戰解謎；據講啲狗好難打，唔行孖咇好難搞。所以話，鬧完咪又係買嚟玩，群眾壓力！朋友、網友個個玩緊，自己唔買，少咗個話題又寂寞又無癮。
