金融海嘯下，保住飯碗要緊，NBA球員都要認同。仲為季後賽席位努力嘅小馬，前幾日竟然輸咗俾缺少兩名主力嘅弱旅雷霆，搞到班主古賓扯晒火，大大聲話邊個唔落力，季後即刻叮走。班球員收到風，即刻喺周三主場以107:102擊敗馬刺。咁識撈，我求大俠都要讚吓班小馬兵喇，亦希望冇受財困影響嘅古賓放鬆吓，皆因小馬嘅季後賽席位都幾穩！