朗拿度復出喇！「肥哨」經過膝部手術後，終於喺周三巴西盃為哥連泰斯上陣。呢位3屆世界足球先生雖然過晒氣，但佢68分鐘後備入替仍然成為焦點，現場30,000名球迷全部報以歡呼聲。雖則朗拿度入場時，球隊已經贏緊伊圖比亞拉2:0，「肥哨」係就係冇進賬，但總算有個好開始。不過佢賽後就相當黑仔，俾記者嘅咪整親隻眼，掛彩復出夠型啩？