探討美國華人的倫理親情，是美籍華裔導演王穎的拿手好戲，早前他與息影女星妻子繆騫人來港探親，順道抽空為本月16日上映的新片《千年善禱》（AThousandYearsofGoodPrayers）宣傳。他自爆片中的父女關係有點像他跟父親，因為當年他與繆騫人結婚，父親只是閱讀雜誌才知道。
王穎執導的新片《千年善禱》，改編自華人女作家李翊雲的同名短篇英文小說，該片透過異地父女間的鴻溝，探討人性、家庭倫理及文化差異問題。
「俾人叫繆先生」
原來片中女主角與父親的關係，跟多年前王穎與父親十分相似，他說：「片中嘅女主角同丈夫離婚，冇同爸爸講，我當年同太太結婚，爸爸亦只係睇雜誌先至知。」
訪問當日，王穎一支公到場接受訪問，他談到沒有到場的妻子繆騫人時說：「佢唔只冇興趣再演戲，亦唔鍾意做公眾人物，但仍然有好多人記得佢，搞到我有時喺街俾人叫咗做繆先生！」
風趣幽默的王穎，揚言是因使命感驅使再拍關於華人在美國生活的故事，他說：「喺美國嘅華人導演都冇乜邊個拍呢啲題材，咁我點都要拍。」今次是王穎由商業電影回歸獨立小品，更繼續利用他擅長的數碼攝影機拍攝，他也鼓勵獨立自主製作，他說：「𠵱家用DV已經拍到菲林機嘅效果，甚至有朋友用手機拍片，仲喺影展嘅大銀幕播放，已經有好多方法去拍片。」
邀華仔學友合作
王穎表示很欣賞日本片《禮儀師之奏鳴曲》，還表示渴望拍一部黑幫歌舞片，他說：「我想將粵語流行曲混合美式hiphop，將荷李活黑幫片同歌舞片嘅元素融合。如果有劉德華、張學友同韓星Rain等亞洲四大天王演出，我去邊度拍都得！」
採訪、攝影：張一明