互聯網社群對鍾欣桐訪問預告片一面倒表示反感，情況就如一年多前阿嬌以「天真論」回應淫照事件一樣，網民認為她接受《志雲飯局》訪問博復出是「虛偽、扮可憐」，只有小部份阿嬌支持者持正面態度。
訪問預告片播出後，網上討論區熱烈回應事件。一名網民說：「擘大眼講大話，扮可憐，又出喊呢幾招？」另一名網民表示：「我真係想問佢點解咁想復出，係唔係真係咁想搵錢。」
發起向廣管局投訴
不少網民亦針對無綫新聞時段播出《志雲飯局》廣告：「今次做得太過着迹，亦太過核突，令無綫新聞的認受性打了折扣。」更有網民發起向廣管局投訴無綫新聞部。
記者昨晚在旺角進行街訪，市民反應較為正面。其中徐小姐表示：「都唔係佢問題，唔係佢錯，但再出番嚟負面聲音一定有，所以我唔太睇好佢前景。」伍小姐則認為最錯是發放淫照的人，但她認為鍾欣桐復出成績定比以前遜色。
鍾欣桐的經理人霍汶希亦知道阿嬌未來的道路困難重重，她表示，明白會有支持及不支持阿嬌的聲音，但她相信阿嬌會以積極工作態度爭取別人認同，希望不喜歡她的人都能接納她。阿嬌的Twins拍檔蔡卓妍（阿Sa）亦表示，阿嬌願意面對群眾值得支持：「碰到考驗唔應該逃避或者放棄自己，積極接受呢種態度先係啱。」
本報記者