衞詩近日捲入藏毒醜聞，其所屬的Amusic昨日在記者會上表示若事件屬實，會與她解約。金牌大風老闆黃柏高（Paco）認同Amusic做法，他昨日在電話說：「咁做可以畀想入娛樂圈嘅年輕人有一個大警惕，要對自己所作所為負責任。」
為感情救康仔
Paco續說：「當年蘇永康喺台灣出事，最終我哋冇放棄佢，係因為經過咁長期合作，有一定感情，再加上從頭到尾我對佢有信心，覺得佢得，所以繼續畀機會佢。」
身為鄭伊健經理人的林珊珊則表示每間公司有不同做法，正如每個媽咪有不同教仔方法，不過她也叮囑旗下藝人及自己的女兒千萬不要吸毒。問林珊珊會否覺得Amusic未有給予機會衞詩？她說：「其實人生嘅路好長，如果做錯事梗要接受公司教訓。不過只要畀心機，將來一定有機會。」
採訪：林妃