曾與張栢芝合作《忘不了》的導演爾冬陞（小寶）前日出席新片記者會時，自爆已把新片《三少爺的劍》的劇本，交給栢芝。栢芝昨日也承認收到劇本，但就否認會就淫照事件向陳冠希追討金錢賠償。
捲入淫照事件的張栢芝日前接受有線娛樂台專訪時，力數淫照男主角陳冠希貓哭老鼠假慈悲，有指她沉默年多忽然開腔發言，是為了復出鋪路。昨日有消息指栢芝近日徵詢律師的意見後，有意向未能保護好照片的陳冠希追討賠償，索償一千多萬。對於被指向陳冠希追討賠償，栢芝的經理人周小姐昨日透過電話回應：「絕對冇啲咁嘅事，其他內容唔回應。」
已收新片劇本
栢芝日前的訪問惹來大眾很大迴響，當中不少導演更力撐栢芝復出拍戲。曾與她合作過《忘不了》的導演爾冬陞，前晚到深圳出席新片《一路有你》的記者會，他坦言有意邀請栢芝拍戲，並交了劇本給她。栢芝發言人周小姐昨日也承認已收到《三少爺的劍》的劇本，她說：「但未睇完，因為劇本好厚，栢芝仲考慮緊，等佢睇完劇本先，佢同古天樂喺中國星已經合作好多，如果再合作係好事。」
原來栢芝未接受有線訪問前，已着手為復出拍片鋪路，小寶前晚說：「我兩星期前曾經約栢芝出嚟，當時佢都未做訪問，我有畀劇本佢睇，順便探佢個仔Lucas，Lucas仲好黐栢芝。其實自己唔急，等佢開完家庭會議同埋準備好先接啦。」
小寶透露一直有與栢芝的經理人保持聯絡，他覺得栢芝演甚麼類型角色都十分適合。至於會否擔心觀眾會接受不到栢芝拍戲，他就未有正面回應說：「其實邊個演員啱做，都要睇投資方面，而且栢芝都有講有其他劇本睇緊，不過我有睇少少有線個訪問，我諗個個都會支持佢。」
古仔期待合作
古仔與莫文蔚前晚也有出席《一》片記者會，昨日古仔又即趕回香港山頂出席其蠟像揭幕，他承認有興趣接拍《三》片，他說：「如果係都冇咁快開工，我係有聽過搵我，自己好耐冇拍古裝都有興趣拍，不過詳情都係問小寶啦。栢芝復出係好事，佢係有實力嘅女藝人，相信香港觀眾都好期待佢嘅演出。」
採訪、攝影：曾小嘉（深圳）、何永寧、林妃（香港）