隔晚花旗股市仲係反彈乏力，不過跌幅已經收窄咗好多，如果冇新嘅壞消息，有機會反彈吓。
港股噚日雖然低開，但係A股好醒神，越升越多，帶動港股升接近300點收市，收12331，滙控（005）雖然再跌4.4巴仙，但係成交縮咗好多，係整固嘅格局。
A股趁兩會期間炒上，睇個勢仲未升完，中資股嘅走勢好番好多，短炒可以喺裏面尋寶。
江銅C輪15885：江銅（358）昨收6.10元，升咗8.7巴仙，貼近條20日線，成交係前日兩倍有多，升破7元就睇8元，可以諗吓隻C輪15885，昨收24.3仙，有效槓桿1.8倍。
正股升上8元，15885有機會升6成，見38.8仙，如果7元有太大阻力，可以先行計數，正股跌穿5.35元就沽咗隻輪止蝕。
俊樺