林嘉欣昨日與杜琪峰、詹瑞文等在尖沙嘴出席「詹瑞文ｘGiordanoCheerUUp」記者會，清減不少的嘉欣最近為月刊《大日子darizi》拍攝了一輯低胸性感照，她說：「以前唔係唔着（性感），係着唔到，一嚟自己保守，過唔到自己嗰關，二嚟知道自己着得唔靚，但最近狀態唔錯，自信心大咗，唔使就住，以前有錯覺肥着大件啲嘅衫可以遮吓，錯咗咁多年至發覺原來着細啲size，反而會有小小肉感。」
「冇諗過票房好」
此外，嘉欣主演的《親密》票房欠佳，她說：「其實預算都係咁，因為部戲唔係商業片，只係小品文藝片，所以都冇諗過票房會好，唔會失望，上年能夠拍到一部自己鍾意嘅電影，過程已經賺咗，我知道部戲唔使蝕錢，遲啲喺大陸上映，希望會有好成績。」
採訪：魯萍