朋友跟我同屬「中港人」，穿梭兩地謀生。對身份認知亦同屬知性，直率，心下無大機關；以為自己比較發自內心認同同胞意識，而她則相反，蓋不住實事心想口說：「我哋香港人，嗰啲大陸人」，引來不少表面詐作不知內邊不是味兒的隱患。北上工作當然要認知，就是旅行玩樂須謹記，莫喊：「嗰啲大陸人！」此句一出最傷同胞感情，死咗都唔知乜事。
死牛一邊頸友仍會反駁：「係吖嘛，咁我哋係香港人，佢哋係大陸人吖嘛……」更慘淡，推出：大陸仔，大陸婆……為他們着想，一句：「香港人大晒？」
香港人當然大唔晒，閒談最忌generalization：歸納，概括，以地域、方言、民族以偏概全是狹窄的，道理如是；不過正如一片形勢大好以《一百萬零一夜》橫掃奧斯卡八獎的印度；十幾億人口，文字三百多種，方言數千，英國統治幾百年；你說他們自己不鬼打鬼，沒「台灣人」那種戀後殖民情意結？英國唸書的日子最怕一部份印度朋友家中塊鏡有霧常以英格蘭人自居，另有新加坡朋友認定他們的英語口音比英女皇更純正，難頂！
一套合時勢的電影冒起蓋起了所有負面人性？朋友有友自廣州來；shopping、sauna、party為大目標；買到身光頸靚，吃飯時左一句自由神打救了香港，右一句金融海嘯整死香港未？全世界都陸沉啦唯獨中國……來到這些位置想起老友那句「嗰啲大陸人」又未必全錯；返內地，基本上未聽過一個人會對一波又一波殺到埋身的經濟危機半點戒心；都說北京、廣州……夜市不知幾暢旺，酒家無處不爆。如果要點出一項普遍內地同胞都犯的慣性；近年經濟好轉，一點顏色上大紅！
高慧然罵曾特首開禁讓粵深居民不用簽證隨時來港不無道理，看香港暢旺街頭愈來愈多殘手爛腳丐幫你道不是大陸人？一個星期內在IFC通恒生銀行天橋三次被高大西裝普通話友詐型：「先生我掉了銀包，可否借點錢吃飯，留電話號碼好讓我還錢，多幾百塊讓我住旅館……」殺到嚟啦嗰啲大陸人！