近排一直有傳《經濟日報》靜雞雞裁員，有員工甚至話試過有啲同事無端端喺辦公室人間蒸發，事後先知被老細裁咗，講到好似鬼古咁。
八方聽聞有員工不值公司所為，噚日喺工聯會監察無良僱主個網站玩唱衰，指《經濟》大篇幅報道無綫、亞視裁員，輪到自己郁手就隻字不提。仲有人聲稱效法電盈員工，噚日發起「黑衣行動」抗議。
有採訪部員工透露，噚日的確係多咗同事着黑衫，但有關人士表示根本唔知道有所謂「黑衣行動」，着黑衫純屬巧合。好多白領其實情迷黑衫，貪易襯又襟興，至於是否抗議，大家心中有數，《經濟》唔少員工對裁員好勞氣係事實，勞工處睇實啲好喎！