萬綺雯噚日到新城電台接受訪問，宣傳舞台劇《品香飯店》，呢齣劇下個月2號上演。雯雯話個古仔好溫情，但有夫妻衝突嘅情節，佢話同劇對手提議佢攞住劇本返屋企對住老公練習，要鬧老公冇出息，不過雯雯話呢樣嘢好難做到，事關佢係個稱職老婆，同老公結婚9年都冇嗌過大交，就算有拗撬最後大家都肯讓步。