尹光於本月11日在紅館舉行「尹光爆.金.爛2009演唱會」，日前他化身6個鬼馬造型拍宣傳照，分別有《死亡筆記》中的「L」、美少女戰士、「萬惡淫為首」的乞丐、老夫子、街頭hiphoplook及《少理阿爸》look，尹光扮相維肖維妙，加上他又做出鬼馬模樣，即時令現場的攝影師笑得死去活來，更險些將成個照相機打爛。
今次6個鬼馬造型大部份都是出自尹光的主意，他笑說：「有啲人話我啲歌好草根，有啲又話我嘅歌粗俗無厘頭，仲話我係搞笑歌王鼻祖，所以我就扮演真正搞笑始祖老夫子。至於個hiphoplook就因為我請咗組合農夫做我嘉賓，所以先同佢哋鬥in。」
撰文：林妃