花旗嗰邊壞消息一個接一個，道指7000關輕易失守，前晚勁跌4.2巴仙，低收6763，走勢好淡。
AIG盤數好唔掂，一季就蝕超過600億美元，花旗政府拿拿聲泵水300億美元，仲話唔排除要再注資，AIG個氹大到好似冇底深潭，睇嚟會繼續拖低花旗股市。
滙控（005）復牌跌咗18.7巴仙，但睇成交同走勢，應該好快有反彈，短線嘅波動區喺44至53元。
中鐵建C輪15137：中鐵建（1186）噚日反覆升咗1個位，報收9.21元，低位連續兩日大成交，噚日倒轉錘收市，短線反彈有機會試9.90元，破位就睇10.40元，可以諗吓隻Ｃ輪15137，昨收13.6仙，有效槓桿3.5倍。
正股升上10.40元，15137可見20.4仙水平，如果正股跌穿8.70元，就沽咗隻輪止蝕。
俊樺