因淫照事件而停工一年的鍾欣桐（阿嬌），希望經過時間洗禮，再被觀眾接受，明天她將接受《志雲飯局》不設防大逼供，其訪問不需要律師監場，也不用預度問題，與張栢芝接受有線訪問的大陣仗程度，簡直是天淵之別。
鍾欣桐明天將接受陳志雲主持的無綫生活台節目《志雲飯局》錄影訪問，並安排於周六（7日）播出。今次訪問阿嬌實行不設防，與有線訪問張栢芝的大陣仗緊張程度截然不同，有線為保護栢芝，事前做足保密工夫，而且又有雙方律師監場，即使剪片也要有律師在場，不過阿嬌接受陳志雲訪問卻來得簡單明快。
「講人生中嘅得失」
無綫總經理陳志雲昨日在廣播道出席港台活動，談到明天與阿嬌錄影《志雲飯局》，他透露錄影不會安排傳媒採訪，但內容稍後會發給傳媒。早前有消息指志雲會問阿嬌以後還敢相信男人嗎？志雲對此笑說：「係咪周刊想我咁問？我考慮吓先，我唔會畀問題阿嬌先過目，亦唔會有律師在場，呢個訪問喺上年年初已經約好，訪問唔係單一講一個回應，係講佢人生中成敗得失，咁過去一年嘅經歷就一定要講。」原定陳志雲昨晚約了阿嬌見面私下飯局，不過連日來阿嬌被記者貼身追蹤，昨晚只見志雲與阿嬌的經理人霍汶希食飯。
阿倫責陳冠希疏忽
至於阿嬌早前接拍一個Bauhaus牛仔褲TOUGHJeansmith廣告，獲邀擔任亞太區代言人，下周會舉行記者會宣佈此消息，不過廣告未正式推出已有反對聲音，本報收到讀者的投訴，抗議Bauhaus使用淫照主角阿嬌作為品牌代言人，昨日記者就此事以電話訪問該品牌發言人，他說：「市民嘅意見好接受，希望大家畀機會阿嬌，廣告都未正式出，我哋會繼續搜集吓意見，留意市場情況，不過因為有合約，所以會合作落去，有啲嘢係言之過早。」
張栢芝在有線的《張栢芝，站起來》第二部份取消播映，昨日負責訪問栢芝的主持人區永權強調，與栢芝是基於互相信任完成訪問，並大讚栢芝非常勇敢。
譚詠麟（阿倫）昨日出席活動時也鼓勵栢芝，他說：「梗係支持栢芝，真係幾勇敢，不過無奈𠵱家冇得睇喇，畀機會將佢心裏面擺咗好耐嘅說話宣洩吓啦，應該嘅。」問到阿倫對於世姪女陳文媛是否也應該站出來？他說：「唔係世姪女，只係以前同公司，𠵱家都失咗蹤，想安慰同鼓勵都唔得喇。」
對於陳冠希被指貓哭老鼠，阿倫說：「每個人處事方法都唔同，佢係疏忽咗。」問他覺得鍾欣桐是否也應站出來？他說：「每個人應變能力唔同，唔可以叫人哋同另一個嘅做法一樣，佢哋都係受害人，應該畀時間佢哋。」
發哥讚張栢芝勇敢
周潤發則說：「有睇張栢芝個訪問，非常勇敢承認自己嘅錯，唔簡單，我支持佢。」對於阿嬌應否也站出來？發哥說：「如果有咁嘅勇氣去承認，whynot？過到個關口就條條大路通羅馬。」問他會否覺得陳冠希須親口向受影響女星致歉？他說：「睇佢自己造化，但講句對唔住都唔係好難堪，橫掂都講得，應該打個電話saysorry。」
採訪、攝影：魯萍、馬建華、丁寧