咪睇小1分鐘,1分鐘可以改變好多嘢。基斯普喺前日國際米蘭和羅馬3:3場波,因隊友伊巴謙莫域陣前受傷,據報賽前截交名單前1分鐘至由閒人入番後備名單之列;到佢下半場後備落場1分鐘,就即刻頂入幫國米扳平3:3。賽後呢位33歲老將接受訪問時,罕有咁灑下男兒淚:「我今季歷盡喜樂、憤怒、自豪、不安,就算入咗波都冇嘢值得慶祝!」佢一路講一路喊:「我將個入波獻畀喺電視機前睇波嘅囡囡。」基斯普咁感性,無非想教練摩連奴知佢時常被投閒置散嘅感受,摩帥收到未?