滙控（005）供股集資係市場預期之內，但係停牌就係意料之外，搞到其他大藍籌噚日成為沽售對象，恒指跌近500點收市，報收12317。
滙控宣佈12供5，集資金額可以令資本比率上番10巴仙左右，加埋結束美國滙豐融資嘅消費貸款業務，前景穩健啲，供股價28元，應該有吸引力，今日滙控復牌，開市或者會略低於50元，但係收市應該可以上番去。
長實P輪15369：長實（001）昨收60.90元，跌4.6巴仙，雖然有啲似倒轉錘，但係大成交裂口插落，就算有反彈都應該好快跌番轉頭，60元守唔住嘅機會好大，再跌就睇52元，可以諗吓隻P輪15369，昨收20.4仙，有效槓桿2倍，正股跌落52元，15369有機會見27.1仙，正股升破65元，就沽咗隻輪止蝕。
俊樺