中環在線:榮雪梅2000萬買宿舍? - 李華華

中環在線:榮雪梅2000萬買宿舍? - 李華華

金融海嘯前買咗貴價樓嘅業主,喺𠵱家咁嘅經濟環境,上會好定係撻定好?買家當然十五十六,發展商其實仲緊張過買家。

嘉御山複式唔使撻定

嘉華國際(173)大圍中低密度豪宅嘉御山,營業總經理陳玉成話,舊年5月樓市高位用咗4880萬買入3座B室複式連花園嘅業主,近排完成咗上會手續。呢個單位3426呎,另連1469方呎花園,當時每呎賣成萬四蚊。
發展商高調咁披露個單位上咗會,華華估計,無非係想話畀大家知,個盤夠哂吸引力,咁短期內重推就易啲去貨啦。
發展商幫樓盤造勢,除咗話高價單位業主照上會外,仲會用名人效應,吸引市場注意。恒地(012)近排促銷中嘅大角嘴亮賢居,噚日輪到名媛榮雪梅撐場,仲話有興趣用二千萬買個單位畀職員或者外賓用喎。