眨吓眼就一年，又到發基金成績表日子，噚日響頭炮係「理柏香港基金年獎2009」，大會搵咗證監會副行政總裁張灼華嚟頒獎。喺互惠基金組別中，瑞銀勇奪今年最佳整體基金團隊大獎，德銀就攞到最佳股票基金團隊獎，標準人壽亦成為最佳債券基金團隊，混合型基金就由中銀香港奪得。
至於強積金組別就由RCM蟬聯，包辦最佳股票基金同混合型基金獎。
今年互惠基金組別當中，有3、5、10年表現計嘅獎項，大贏家係摩根富林明，合共奪得14個大獎；施羅德做阿二，攞咗11個；貝萊德同富達就排三、四，各奪9個同8個獎。至於強積金嘞喎，以3年同5年表現計，仍以RCM最威水，奪得5個獎；景順同信安就分別排第二及第三，各獲4個同3個獎。
理柏香港基金年獎2009
《互惠基金最佳團隊獎》
‧股票：德意志銀行
‧債券：標準人壽投資
‧混合型：中銀香港
‧整體：瑞士銀行
《強積金最佳團隊獎》
‧股票及混合型：RCM
資料來源：理柏