【本報訊】逾千間食肆推出的1元/8折優惠已陸續展開，有的每日賣出5,000隻一蚊雞，有的也賣400隻一蚊乳鴿，西餅店開店前一小時已有搶購「一蚊西餅」人龍，因割價傾銷，食肆多旺丁未旺財，但認為有宣傳效果。不過，有食肆宣傳不足，部份連職員都不知有一蚊優惠，令顧客「走寶」。
齊抗金融海嘯大聯盟號召逾千間食肆，於三、四月推出1元/8折優惠。不過，記者發現部份沒貼出宣傳單張，記者昨以顧客身份，在沙田新城市廣場喜客比薩查詢時，職員初時稱沒有一元9吋批的優惠，後來多次查問高級職員才回覆確有此優惠，有顧客埋怨職員沒有提示：「如果有一定叫啦！」
一蚊雞每晚售5000隻
稻香集團發言人稱，上月中開始推出一蚊貴妃雞，迄今每晚都售出5,000隻：「有啲客淨係叫一隻雞，我哋都ok㗎。」她強調單叫一蚊雞也只收茶芥及加一小費，不過大部份顧客都會點其他菜，優惠對生意有一定幫助。
叙福樓集團執行董事黃傑龍說，旗下御苑皇宴等晚市賣一蚊脆皮燒王子鴿，前日首次推出便賣出400隻，較平日多幾倍：「提醒咗同事一定要向啲客推介一蚊鴿㗎。」他指乳鴿加一小費只會以一元計算，即只一角。他承認顧客雖增多，但生意額未必會相應提高：「賣得咁平，但最緊要畀多啲客試吓，等佢再嚟嘛。」他透露，旗下黃大仙叙福小館及天水圍多福居會新推一蚊任食白粥白飯。
美心發言人稱，旗下美心西餅及東海堂全線指定蛋糕賣一蚊，每日限30件，昨首天未開舖部份分店已有百多人輪候，部份蛋糕半小時售罄。全線美心大酒樓等推出的一蚊竹笙雞絲翅，加一服務也僅一角。
加州紅市務經理文善進說，上周已推出照單7折優惠，迄今顧客量急升15%，周五、六更爆滿，幾乎所有客人都有點黃金時段一蚊自助餐，不過生意暫未回升：「同之前差唔多，但咁嘅時勢唔跌都好，希望吸納多啲熟客。」優惠活動主席胡珠說，食肆都反映顧客增加：「至於旺財，就要慢慢嚟嘅。」
市民反應
