工聯會有鄺志堅做代表成為臨時最低工資委員會成員，港九工團聯合總會就冇份，佢哋多個代表噚日去踩場，唔係操去工聯會，而係去大家樂火炭總部，因為佢哋調查發現委員會成員陳裕光旗下嘅大家樂，以時薪18蚊請人，工團認為呢個係可恥式待遇，陳裕光冇資格坐喺臨時最低工資委員會，要求佢立即辭職。
工會一直爭取最低工資時薪30元，大家樂卻以時薪20蚊請人，可想而知陳裕光喺委員會入面出價都唔慌慷慨，佢有份制訂最低工資，打工仔想有好日子過都難，工團又指大家樂去年中期業績純利逾兩億元，原來賺大錢背後係以低薪請人，政府應該out咗佢出臨時最低工資委員會。