郭偉亮（EricKwok）即將推出新碟，日前他請來兩位甘草前輩秦煌及余子明為其新歌拍MV。兩人在MV中一同去廁所小解，余子明更公然狂昅秦煌，之後余子明還從後肉緊地攬着秦煌，大玩斷背feel。
近日郭偉亮忙於準備推出新碟《EricKwok'sLEETCollection》，日前他為新歌《WOW》拍攝MV，請來兩位電視甘草前輩秦煌及余子明擔綱演出。
藏女裝內褲
MV中有一場秦煌到廁所小解，余子明死跟着他，兩人並排一同方便，余子明竟狂昅秦煌，充滿斷背feel。之後秦煌返到家中又見到余子明，Eric發現秦煌拿着裝滿女裝內褲的袋子，於是指摘他，致令他鯁親，余子明即從後抱着秦煌為他急救，但動作曖昧，引得工作人員狂笑。
Eric說：「我好鍾意煲劇，好似《創世紀》同《大時代》我都好鍾意，呢首《WOW》原本個歌名叫做《丁蟹》，不過後來改咗。秦煌同余子明呢兩位前輩啲演技真係好勁，好多表情，有一場秦煌要扮細路仔扭計，真係笑死我。」
撰文：丁寧