社民連立法會「掃場」，公民黨、民主黨聯署批評，雙方互罵不是，正是新仇舊恨一齊來，社民連同公民黨選舉時殘留牙齒印，少壯派同民主黨多年恩怨，隨時一次過算賬。
不過長毛份人就好均真，民主黨梁永雄參加沙田大圍區補選，由於呢次硬碰民建聯對手，長毛身為新界東議員，自然義不容辭助選，槍口一致對外，不過佢話為免食檸檬，落區助選前都先問清楚對方是否歡迎佢幫手，因為民主黨話「非常遺憾」長毛行為，「佢哋係君子，我係流氓，其實有乜資格幫佢吖！」
毓民指長毛同其他泛民黨派關係向來不錯，今次長毛動真氣，日後社民連同泛民可能「少咗個潤滑劑」，如何權衡輕重，公民黨、民主黨要想清楚。