本港剛公佈失業率達4.6%，以目前趨勢判斷，肯定未見頂，對本港樓市有一定負面影響。以往市場湧現不少所謂「豪宅」，即使開價天咁高，由於當時市況好，有一批金融機構高層人士承接；但金融海嘯對該族群衝擊最大，年內有不少「豪宅」大手劈價掟出街。
要探知香港樓市氣氛，從地產發展商的取態應猜到一點端倪，新地（016）平價推天璽，再睇新地股價牛皮偏軟，心水清者應知家陣香港樓市發生乜事？另外，本來欲借天璽開售，趁勢沽出君臨天下貨尾的恒隆地產（101）亦大失預算。恒隆地產上周五升1.6%，報14.98元，升近20日線阻力，但以目前市場氣氛而言，似乎不易突破，暫不宜高追。
回至14元可吼
相比本港其他發展商，恒隆地產推新盤唔算積極，該公司近年在內地不斷有投資物業落成，但內地樓市前景仲難睇過香港，想買貨待其調整至14元才考慮。
方星俠