經濟差，港府都要賣家當，其中一個「變賣」對象係所持嘅機管局股份。唔知係咪要顯示身價，所以香港國際機場不斷晒自己攞獎無數，最新傑作係舊年7月機場將網站「翻新」，攞嘅兩個傑出網站獎。
雖然1月份機場客貨運數字唔多理想，貨運量大跌近三成，家陣攞番個獎冲喜吓，對機管局行政總裁許漢忠都叫有啲安慰，話晒家陣香港國際機場網頁，每個月超過百萬人次瀏覽喎。
一個網站兩個獎項
至於今次攞嘅獎，分別係iNova2008Awards「企業網站（運輸服務）組別」金獎，同埋InteractiveMediaAwards旅遊/旅遊業組別傑出表現獎。一個網站喺兩個主辦單位都攞獎，其中後者更係第一次由機場攞到，又抵佢哋晒吓命嘅。