跟張栢芝一樣被捲入淫照風暴並於近日密謀復出的鍾欣桐（阿嬌），在栢芝突開腔狂插陳冠希後，獲前緋聞男友方力申（Alex）力撐復出。Alex昨日在灣仔出席青光眼講座，提到栢芝和阿嬌皆曾開腔剖白，他即說：「我唔會批評人，唔做對比。其實佢哋同大家講一次件事係必要，只要真心講就得。報道話阿嬌會做陳志雲訪問，邊個講得好唔使加分，講得唔好唔使扣分，只要真情流露就得。」
讚栢芝勇敢
Alex又表示有看栢芝的專訪，更大讚她勇敢，他說：「佢話自己有責任，好坦白直接，亦因為佢做咗媽媽，睇完真係好感動。」
此外，陳志雲昨日到理工大學出席公開活動，對於栢芝搶先接受有線訪問，稍後阿嬌接受《志雲飯局》訪問播出時，難免會被外界拿來比較，陳志雲說：「唔好比較，我亦都唔會同另一個節目比較，即係橙同蘋果咁，冇得比較，而且我唔係為單一件事訪問阿嬌，因為我節目係同嘉賓交換體驗同埋心路歷程，阿嬌個訪問會照原定係3月初，日期未確定，唔會重新度問題，我亦暫時冇計劃訪問張栢芝。」
採訪、攝影：王連連、駱華齡