話說上個禮拜，華華同本地某地產商高層食飯，先知咩叫強政勵治。
席間講到公共空間呢個問題，有人慨嘆話西洋菜街行人專用區嘅公共空間已失控，冇王管，有位靚女高層話：「睇嚟要嗰度發生事故，例如有人打交，政府先會去管番嗰度。」
有位高層叔叔就話：「如果仲喺港英年代，港英政府一定會自製事故，然後大把藉口出手接管。」
讚港英政府識變通
華華聽到呢度，諗住搞個爛gag，講咗句：「咁咪好似石硤尾大火咁囉！」華華一心諗住講笑，點知嗰位高層叔叔好認真咁話：「係囉！咁咪係強政勵治囉！」
聽完呢一席話，華華先知道上一輩人睇唔起曾蔭權，係因為佢唔夠「強政勵治」。