滙控（005）今日公佈業績，會否供股已成為市場焦點，按近日傳媒之消息，滙控供股似乎已肯定，其實供股傳聞流傳咗好耐，證實供股反而是好消息，按市場經驗，這些大企業供股，供股比例越細，股價反彈嘅力度就越大，雖然花旗股市上日走勢麻麻，港股唔一定跟跌。港股較為偏淡嘅因素，可能係A股轉淡，有機會拖低恒指整體表現。
國壽P輪15776：國壽（2628）上周五收21.80元，跌2.4巴仙，早幾日試過想向上突破，但係唔成功，並掉頭跌穿20日線同橫行區底部，再企唔穩就好大機會下試19.30元，失守就睇18元，可以買啲P輪15776炒短線，隻輪現價24.9仙，有效槓桿3倍。正股跌落18元，15776可見45.6仙，正股升破23.50元，就沽咗隻輪止蝕。
俊樺