被捲入淫照風暴的張栢芝，日前接受有線專訪，自去年初事件發生後首度開腔，直斥陳冠希（Edison）貓哭老鼠假慈悲，更自言為淫照事件自我「監禁」一年多。「放監」的張栢芝，在電視上真情流露罵過Edison後，昨日再以錄影短片公開露面，為去年盛讚她淫照影得靚的後輩Angelababy賀生日，獲偶像送上大禮的Angelababy含淚表示支持栢芝歸來。
淫照風暴發生一年多，事件主角各自鋪路復出。陳冠希日前在加拿大就淫照案作供後，表示一眾淫照女角已經受夠了，又祝福她們生活健康，勇敢站起來，形象一度大翻身。但張栢芝日前突現身有線接受專訪，斥責他漠視女性尊嚴，貓哭老鼠，更勇敢表白過去一年的苦樂悲傷，廣獲外界支持。有傳即將復出的她，昨日則開開心心為小fans賀生日。
親製禮物面露微笑
𡃁界女神Angelababy是栢芝的死忠fans，淫照事件發生後曾力撐偶像說：「我覺得栢芝啲相影得佢好靚喎！我仲越嚟越鍾意佢㖭，希望佢嘅幸福唔好受今次事件影響啦！」昨日Angelababy在黃埔舉行20歲生日會，與近百名來自日本、廣州及美國的fans一起切蛋糕及玩遊戲，男友陳偉霆（William）人不到但禮到，送了一束粉紅玫瑰，其經理人Kim除送上一對鑽石耳環外，更託人找來Angelababy的偶像栢芝拍下神秘短片祝賀其生日。
昨日栢芝的片段一播出，台上的Angelababy驚訝異常，之後更感動落淚，邊睇邊喊。栢芝的短片相信為近日拍下，她身穿背心，梳齊蔭頭及紮高髻，表情十分輕鬆，微笑着表示欣賞Angelababy，又鼓勵她加油努力。栢芝說：「祝你生日快樂，事業順利，身體健康，我欣賞你呀，希望你努力啦。我親手做咗一個黐咗閃石嘅計數機畀你，代表你事業上賺多啲錢，另外送一條金條（紙巾套）畀你，希望你收錢收到汗都出埋，事業成功，奸爸爹（加油）！」
之後栢芝的化妝師RickChin現身生日會現場，代表栢芝將禮物送給壽星女，Angelababy喊到眼濕濕說：「好開心，好感動，多謝佢錄一段片畀我，從來估唔到偶像知我係邊個。」對於栢芝日前站起來指摘陳冠希假惺惺，Angelababy表示沒看過訪問，她說：「我都唔想再睇，總之佢（栢芝）出嚟做嘢開開心心就OK，我會支持佢，一路都支持佢。件事過咗咁耐，唔好再提，希望大家都支持佢。」
黃秋生：成件事好醜
對於栢芝公開認錯，Angelababy大讚偶像說：「如果做錯都要承認，我做錯都會，錯就要認，改過就冇問題，佢一直好勇敢，我行我素，呢個係我鍾意佢嘅原因。」
此外，身為陳冠希契爺的黃秋生，對於栢芝接受有線訪問時狂插其契仔，他昨日在電話中感嘆說：「呢件事唔係紀念日，唔使年年講、月月講，成件事已經好醜啦！我知道Edison已經好內疚、好慚愧，希望件事可以快啲了結，等佢哋幾個受害人可以過正常人生活，祝佢哋好運啦！」
採訪：羅慧敏
攝影：黃偉雄
