袁詠儀（靚靚）昨日到將軍澳出席一個積金會活動，她坦言有留意近日有關應屆港姐張舒雅被禁為冠軍加冕的報道，她勸張舒雅應該乖乖地和無綫商討，她說：「如果冇就好可惜，因為冠軍加冕係香港小姐嘅傳統，應該以大局為重，而且報得名就應該好頭好尾。其實我當年唔enjoy攞冠軍，都有試過詐病，但適可而止，始終當年得十幾歲好難面對壓力。」
「再講殺咗佢」
對於吳君如反口不認有「集郵女星」一事，靚靚笑說：「佢再講就殺咗佢，佢冇用，又要講又唔認。」
此外，靚靚與丈夫張智霖（Chilam）及囝囝魔童，前晚相約郭富城和沈嘉偉等到上環尚興嘆潮州菜，一行多人逗留至晚上10時許離開。
城城收告票
城城停泊門外的日產GTR因違例泊車而被抄牌，罰款港幣320元，雖然城城離開食肆時發現被抄牌，但仍笑笑口將告票拿走，還跟在場記者揮手講拜拜，心情靚絕。約5分鐘後，Chilam也與抱着囝囝的靚靚步出食肆，之後Chilam駕駛其平治跑車先行離開，而靚靚則抱着魔童登上沈嘉偉的座駕返家。
採訪、攝影：駱華齡、陳順禎、娛樂突發組
