各位最熟口熟面的眼鏡名牌,一定是alainmikli。唔需要去眼鏡店或者親自買來戴,晚晚都一定見到呢位大師作品在你面前行來行去。因為──只要打開電視機,alainmikli幾乎逢劇必贊助TVB,分分鐘紅過電視台花旦小生,成功入屋。今年適逢30周年,更推出超浮誇復刻版太陽眼鏡。認住佢個樣,我又想睇吓邊套劇有乜角色會Carry到呢個高難度靚款。
記者:葉雪芯
攝影:陳陶鈞
Model:Crystal@jamcast、Howard@starzpeople
Makeup&Hair:Miffy、Becky
OnHoward:
alainmikli30周年限量版紫色格紋舊款Twist$9,828
OnCrystal:
alainmikli30周年限量版紅色橫紋Twist復刻變革版$9,828
OnHoward:
mikli鈦金屬眉框眼鏡,《歲月風雲》的馬德鐘戴住佢由好人變壞人。$6,630
OnCrystal:
mikli鈦金屬眉框眼鏡,《與敵同行》的郭晉安戴住個樣奸到出汁。$4,875
OnHoward:
alainmikli啡白格膠眼鏡,《當狗愛上貓》的廖碧兒戴住做惡上司。$4,407
OnCrystal:
alainmikli黑白格膠眼鏡,《畢打自己人》的OL四眼妹江欣燕幕幕都是am。$2,574
OnCrystal:
mikli啡×綠色膠眼鏡,《畢打自己人》的江欣燕戴過。$3,939
OnHoward:
mikli紅×紫膠眼鏡,又係《畢打自己人》的江欣燕戴過。$4,875
不嬲有鋪贊助癮
邊個係陳志雲愛將?Amigo、鄧健泓都唔使再爭,因為無人夠alainmikli同陳總咁Friend。alainmikli與TVB的關係好到點?試吓扭開電視機,隨便睇一套劇集都會見到alainmikli眼鏡的蹤影,《當狗愛上貓》、《家好月圓》、《歲月風雲》、《與敵同行》等,就連家陣晚晚播緊的《畢打自己人》中的四眼OL妹江欣燕,所有佩戴過的眼鏡均由alainmikli贊助。
其實多年來alainmikli都有鋪贊助癮,都可算是靠Sponsor來起家。自1983年EltonJohn第一次戴上alainmikli的眼鏡出席公開場合表演,alainmikli熱潮就好似流感病毒般火速在世界各地擴散,紅足20年,alain先生又與多位國際明星如ChantalThomas、GraceJones友好,他肯贊助之餘大家又不介意日日戴am上面;近年再多個KanyeWest戴上超浮誇的百葉簾款式眼鏡Rap住上台表演,alainmikli再度成功出位,咁又賺到名聲,廣告錢都慳唔少。就連近年主打年輕市場的副線mikli都開始踏入贊助之路,農夫都係客仔之一,近日上畫《保持愛你》內的方力申更加幕幕戴住mikli出鏡。
舊鏡復刻變革版
雖然有大量潮星加咁大間電視台力撐,不過話晒都係眼鏡界老大哥,今年30周年紀念絕對唔會馬虎了事,alainmikli將經典的眼鏡款式Twist再次推出,全球大約只得100副,不過點都唔及加推的舊鏡新造復刻變革版咁矜貴,全球只得50副,每副都有晒出世紙證書,亞洲地區更加只得10-12副左右。Twist三角形鏡框在七、八十年代紅極一時,就連一代妖姬籮記都曾戴住出騷,今次趁生日推出超過六種色的鏡款。問到大師alainmikli未來有乜大計,他說:「2009年我想再搵多些新物料和設計再豪華浮誇一點的款式,或者會試吓用水晶、水鑽、純金等等。不過呢啲新設計或者不會再只得我一個人,未來會與不同的設計師合作,例如最近就有珠寶設計師DelfinaDelettrez,希望可以將實用的眼鏡再多樣化,成為一個FashionItems。」
係人都知道陳總揀選志雲飯局禮物給嘉賓時出名挑剔,做得志雲哥的愛牌之一,佢都揀咗兩對「am」送畀荷媽李司棋。
alainmiklishop(25230103)
中環威靈頓街28號地下