中國林大（910）上星期五成交咗8836萬股，交投先嚟料，配合祖國振興行業消息，昅昅無妨。林大主打祖國生態造林業務。上星期尾，就有報道話林業已獲納入為行業振興規劃，呢壇消息係咪落實都好，上個月祖國林業局就已經講，計劃今年實現林業，高達1.4萬億銀人仔。市場規模之大，林大分到一杯羮，已經有計。
林大最新NAV1.40元，現價（0.295元）折讓高達79%，折讓吸引到痹。林大09年半年度（9月底止）純利1.88億銀，大倒退85%，但因為欠奉08年度同期生物資產重估收益10.3億銀，所以形成09年度中期業績大倒退。保守計數，林大全年度每股純利，只係keep住半年度水位，預期PE都係講緊8倍幾。林木業又係睇得見有前景嘅行業，呢個PE倍數，唔叫貴。博林大翻半番到0.44元計，折讓仲講緊68%，仍然好吸引。
一拖炒博賺3成
一拖（038）最新NAV3.50元，現價（1.67元）折讓53%，加埋揸住淨現金4億銀人仔，已經有個底。又一拖往績PE得6倍幾，就當08年度（12月底止）純利，只係keep住07年度水平，預期PE都仲係超筍單位數。再講，上年尾，國務院常務會議，阿爺決定多增農機具購置補貼，由08年40億銀人仔，大幅調高到今年100億銀人仔，以行動落實扶農。一拖受惠國策，肯定肥仔。一拖有調整，吼實1.52元支持位落場，短打博上番兩蚊，潛在回報率32%。
錢雋