引用老行尊術語，愛華頓季前肯定冇拜神，傷兵一個接一個。可幸當阿迪達及安尼捷比養傷，大將卡希爾停賽刑滿復出支撐大局，周六英超早場總可領軍打敗榜尾的西布朗，博小勝。（球賽編號：星期六4；now632及660台今日8:45pm直播）
阿迪達長唞，長遠看肯定削弱「拖肥糖」力爭上游的機會。不過今仗對手只是西布朗，既然擅攻的卡希爾，以及守將希拔齊復出；而「爆炸頭」費蘭尼上仗後備上陣亦狀態不差，顯見已克服傷患，今仗要贏西布朗難度不大。往後的事，留待領隊莫耶斯頭痛好了。
再說，愛華頓過去兩個月共7場主場比賽水準極穩，強如車路士、阿仙奴及利物浦來犯，都完全取不到任何甜頭；而7場比賽只失掉兩球，豈是攻力疲弱的西布朗所能攻破？
西布朗不但久沉，近6場比賽不勝；面對攻力不算銳利的紐卡素與富咸也共失5球，守力之弱可想而知。
人腳方面，愛華頓固然殘陣，但西布朗也好不了多少。葡萄牙中場泰些拿於去仗對富咸受傷，今仗即使已肯定列入出征名單，但仍然上陣成疑；至於另外兩名中場，包括隊長格寧及莊拿斯奧臣已投入有限度操練，但據報今仗上陣機會微乎其微。
主隊陣殘一粒夠數
西布朗護級心切，戰意必備，但一場球賽單靠戰意不足為懼；考慮到愛華頓「炮手」不齊腳，就博其小勝開「和」，波膽亦熱選今季聯賽共出現過5次的1:0。
藍鑽石
星期六4
愛華頓vs西布朗
半全場：主/主
盤口：愛華頓[-1]
讓球主客和：D和局
1:0