好姨薛家燕大前日臨入機場為無綫新劇《金錢誘罪》開工時，突然身體不適入院，要留醫成10日，聽講好姨係之前做完膽石手術之後，膽管同個胃發炎，好在佢經過詳細身體檢查之後冇乜大礙，而好姨為咗安心靜養，已經叫身邊好友唔使去醫院探佢。噚日馮仁昭打電話畀好姨助手阿偉，佢話好姨目前休養緊，至於好姨幾時出院，阿偉就話唔多清楚。