台灣人氣組合飛輪海昨晚在紅館舉行兩場演唱會，大批fans到場支持。四位成員吳尊、汪東城、炎亞綸及辰亦儒乘坐熱氣球空降紅館，瞓身演出報答fans。其中有腳傷的汪東城冒着傷勢加劇的危險，忍痛上陣，又唱又跳兼大玩長棍，相當搏命，難怪台下少女歌迷看得如癡如醉。
飛輪海一連兩場「想入飛飛2009演唱會」昨晚在紅館開鑼，幾乎全場爆滿，場內大部份都是女fans，當中以吳尊的支持者最多。飛輪海四子吳尊、汪東城、炎亞綸及辰亦儒戴上面具出場，全場fans尖叫及站起來。
廣東話冧歌迷
四子以廣東話向fans打招呼說：「大家好，香港朋友，我哋係飛輪海，大家開唔開心，係咪等好耐？」辰亦儒再以普通話說：「這裏是那裏？終於可以在紅館開演唱會，上次來過開演唱會，但是紅館裝修，好遺憾，現在終於開到。全新紅館，全新飛輪海。」
飛輪海四子坐着巨型熱氣球空降紅館，甚有氣勢，fans見狀即興奮大聲尖叫。四子又唱又跳之餘，還大玩長棍，其中有腳傷的汪東城冒着傷勢加深的危險，忍痛瞓身演出，他更跪地滑落斜路，認真搏命。
售賣精品搶錢
紅館外有飛輪海的精品出售，當中有cap帽、T恤、貼紙和螢光棒等，還有演唱會紀念版套裝，內有T恤、cap帽、掛畫和CD等精品，整套售900元，不少fans排隊購買，反應不錯。
採訪：胡比
攝影：黃偉雄
