每日返工放工都要搭廠車，有時啲廠車因交通問題而遲咗一陣，都可以接受，但唔知點解，只有係某個車長負責揸嘅話，幾乎冇一次係準時出現，起碼都遲3分鐘，而最離譜嗰次仲要遲成15分鐘。安全駕駛當然好重要，但如果大部份人都可以喺特定時間內完成，而只係得個別人士做唔到，我諗真係要檢討。
上個禮拜唔信邪揀愛隊拜仁，結果搞到6連W斷纜，所以今次玩番我擅長嘅英超。利物浦喺聯賽個form唔算好，和波多過乜，26場竟然打和10場，但計人腳始終高米堡幾班，而且，米堡喺聯賽嘅表現真係差到你唔信，喺對上14場未贏過兼且只係入5球，所以好有信心紅軍可以贏波，順手仲幫我攞番個W。
主客和：利物浦勝
心得：心得：米堡班波太屎
近5場往績：LWWWW
青蛙仔
睇德國波同埋英國波大，大個之後攻埋日本波，兼且對日本藝能界幾有研究。