雖然我怕凍，不過最頂唔住嘅始終係回南天，天氣濕𣲷𣲷，加上我住嘅地方又特別大霧，到處白茫茫，伸手不見五指，最慘係啲洗咗嘅衫，晾極都唔亁，夾硬用抽濕機抽亁，亁咗亦好似有一陣霉味咁，同太陽曬亁嗰種香噴噴冇得比。
講開𣲷，話時話呢輪英冠3強狼隊、伯明翰同埋雷丁都幾𣲷，接連失分，同我喺〈開倉〉嘅推介有得比，今期狼隊同雷丁同樣喺主場迎戰實力麻麻嘅普利茅夫同埋諾定咸森林，應該係時候反彈；我本來諗住追多次雷丁，不過被戰友蘋果波神喝止，叫我唔好「搭沉船」。既然係咁，咁我推介狼隊W囉，睇吓到時邊個命中！
主客和：狼隊勝
心得：老狼𣲷咗咁耐係時候醒番
近5場往績：LDLLL
吾中
買嘢講名牌，但賭波一定唔會做名牌奴隸嘅大聯盟女神。